close
 【少年老芋仔】作詞：武雄 譜曲：施文彬 阮厝邊 彼個歐巴桑，有一工 提一張批 來央我唸乎伊聽， 批 是伊囝唯軍中寄來的，內底 是按呢寫：阿母－－－ 我也已經 平安來到 這個部隊 自從入伍開始 經過這段日子 萬項代誌 也攏慣習 請媽媽千萬不免傷悲 因彼口灶的代誌，我捌聽阮厝頭家講過，因老爸是一個老芋 仔，落尾，家己出來打天下，累積淡薄仔錢，娶因老母，生 兩個後生。因兩個兄弟仔，十統歲就出去甲人𨑨迌，有一擺 角頭的拖賭，因小弟煞去乎人殺死，沒外久，因老爸也因為 操勞過多，裡病院內過身，聽講，彼暗的雨落真大，伊裡因 老爸的眠床頭，跪一暝－－－ 想起著我 少年彼時 真正毀類 攏無聽你教示 定定惹你生氣 如今我會 安分守己 希望你心內會當安慰 關於將國語的批，按怎用台語來加唸出來，我有卡頇顢，親 像【摸魚打混勾心鬥角】這款詞，我實在不知欲按怎翻卡水 氣。伊批寫了真長，所以，有一寡內容，我就沒照字面唸出 來，只是用我家己想的，浪子回頭的故事，落去解釋。歐巴 桑那聽目睭那擂，擱央我替伊回一張批，伊講－－－ 阿囝仔喂－－－ 你寄的批 已經收到 我真歡喜 凡事就愛忍耐 也不免煩惱厝內 阿母會曉 照顧家己 你的身體嘛愛特別注意 歐巴桑，那講那擦目屎，所以，我有時間將伊的意思，用卡 婉轉的字句寫落來，突然間感覺，實在家己的學問，算來嘛 是未歹，伊擱講－－－ 聽候明年 你若退伍 轉來厝裡 娶一個好家後 做一個小生意 我的責任 就攏完成 會使放心恁跟老爸來去 批寫完，歐巴桑一直共我說謝，叫我免加送，看到伊的眼神 充滿了希望，我的心情，煞愈來愈沈重，有一寡話，不知欲 按怎加開嘴，裡批內，因後生有講，伊已經擱簽落去，這個 兵，愛作一世人。企咧亭仔腳，看歐巴桑的人影，慢慢行入 彼條無尾巷，我的目眶，也漸漸，已經紅－－－ 作詞：武雄 譜曲：施文彬 演唱：施文彬（7258請愛我吧） 口白：武雄 編曲：屠穎 製作：李庭匡+施文彬 出版：BMG唱片（2K03） |
全站熱搜
留言列表
