忘了跳舞的熊的文字遊戲

　
【食飽未】作曲：邵大倫　填詞：武雄+邵大倫
　　
　

　一句邀請的話～食飽未　無就佮我做伙　做伙來走揣
　台灣頭佮台灣尾好料的　早頓中晝喑頓宵夜　食飽未
　
　免講彼濟　咱上在地　做伙踅踅咧　有啥物問題

　大位你坐　我來奉茶　食飯皇帝大　萬事攏OK
　
　上界親切的話～食飽未　毋管食飽猶未　咱攏來遮坐
　台灣味佮人情味是有夠濟　鄉親序大厝邊隔壁　食飽未　
　
　口白：來來來來來，自古以來民以食為天，
　　　　對有毛食甲棕簑，有毒的食甲刺䲅，
　　　　會飛的食甲雞胿，會行的食甲電梯，
　　　　細間的食到路邊，大間的食到百貨公司
　　　　有人早頓愛食咖啡，有人暗頓食到三更
　　　　有人食粽愛配芫荽，有人食糜愛配麵麶
　　　　有人相唚，食著胭脂～
　
　
　魚魚肉肉　著愛菜甲　一人食一半　感情較袂散
　食飽睏　睏飽食　食飽飽　等放假　有放假　緊來揣我，
　我攢好料的予你食　
　
　這片土地　溫暖的家　全世界的朋友　攏是咱的兄弟姊妹

　有閒愛相揣　無閒敲電話　千言萬語　嘛是這句話　 
　
　有夠古錐的話～食飽未　阿公阿媽阿伯阿姆　食飽未

　哥哥姊姊弟弟妹妹　食飽未　親情五⼗朋友一百　食飽未　
　woo oh woo    woo oh woo   woo oh woo      
　早頓中晝喑頓宵夜　食飽未
　
　
　
　作詞 Lyricist：武雄Bu-hiông、邵大倫Tuā-lián
　作曲 Composer：邵大倫Tuā-lián
　製作人Producer：周岳澄Ken Chou 
　編曲Arrangement：周岳澄Ken Chou 
　吉他Guitar：周岳澄Ken Chou 
　鋼琴Piano：傅晨娟Ellen Fu 
　和聲編寫 Backing Vocal Arrangement：
　邵大倫Tuā-lián、周岳澄Ken Chou 
　和聲 Backing Vocal：
　邵大倫Tuā-lián、周岳澄Ken Chou、張智揚Adam Chang 
　錄音師 Recording Engineer：周岳澄 Ken Chou 
　錄音室 Recording Studio：天牧音樂Skymu Music 
　混音師 Mixing Engineer：周岳澄Ken Chou
　混音錄音室Mixing Studio：肯周音樂社Ken Chou Music
　發行：這虎音樂（221223）