A3950.png


【顛倒歌】作曲:方文良 填詞:武雄
 

 想對你唱首顛倒歌 當河裡石頭爬上坡
 坡上面長滿星星開出花朵 每一朵都有話想說
  
 也請你唱首顛倒歌 說你的心裡沒有我
 每一次見到我都皺著眉頭 從來不想與我牽手
  
  
 有話就 說 快點說 儘管說
 說你 沒有我 日子多快活
  
 就像我 從不記得 你曾愛我 
 所以才如此快樂 一點都不寂寞 忍不住要唱歌~
 
(唱這首歌 唱這首歌 唱這首顛倒歌)
  
  
 想對你唱首顛倒歌 說見到你我就難過
 多希望此時此刻馬上分手 永遠都不要再回頭
 
 多希望從今以後直到永久 你不要緊緊抱著我

 
 

 作曲:方文良
 填詞:武雄
 演唱:黃妃(我若是黃倩倩)
 編曲:洪信傑
 製作:方文良
 發行:米樂士(20181228)





 
印象中,我學會曉的第一首顛倒歌,到今歌詞攏還會記得,我暗唸一擺予恁聽:

倒唱歌兒順唱歌,河裡石頭爬上坡
我打弟弟門前過,看見弟弟搖外婆
滿天月亮一顆星,千萬將軍一個兵
從來不說顛倒話,聾子聽了笑盈盈

其實毋但華語有顛倒歌爾爾,真濟無仝的語言,攏有這類的歌謠,論真講來,「顛倒講話」「說反話」這層代誌,應該是所有人的通病,千萬毋通譬相查某人的話愛顛倒聽,其實查埔人賰一支喙,更加是口嫌體正直,總講一句,人類的進化擱有真濟欠點,莫怪世界歪膏揤斜。

這種感覺,現代人面對社會各種現象,一點仔都袂生份,天無照甲子,人無照天理,會當講是隨時攏會出現的感慨,毋信你凊彩揀一台電視台看半點鐘久,就會開始詈講:天地顛倒反.......
 
想欲寫顛倒歌這個題目蓋久矣,關於寫歌的想法,有當時仔是,想法出來了,但是揣無適合的案,無適合的歌手,無適合的旋律,會使將歌詞編入去,就愛一直望啊望等啊等。
 
另一種拄好倒反,想到的題目可能八成以上的歌手攏適合,彼個時陣的爾爾,就會毋甘,想講欲等一個分數上懸的人,予這首歌出來的效果上蓋好。
 
顛倒歌就是屬於落尾這種,一個至少十年以上的想法,佇假新聞滿滿是的時代,拄到一個無愛踏擋仔的製作人,擱有一個第一名的歌手,變做伊的第一首華語歌,嗯!妥當。
 
和方文良的第一擺的合作是李翊君的歌(https://goo.gl/z84u3P),歌曲內底彼個A君B君的齣頭,是伊寫曲的時陣就已經有的,現此時回頭擱再聽一下,原來如貓,這兩個人身軀內底攏有淡薄仔無愛甲人仝款的DNA,這次找來講欲舞一齣大齣的,果然歸欉好好無剉。
 
佇戲劇的創作中,過去佮未來時空旅行蓋捷看見,不而過以流行音樂來表現的,就真罕咧,話擱講倒轉來,這款的設計佮想法,比較是做生理的手路,這當然真重要,你看MV準做電影咧拍,頂日我踮面冊回黃妃的經紀人一句:「豬哥亮口氣:自恁爸過身了後,第一擺看到人看MV看甲像咧追劇⋯⋯」我家己都感覺足好笑!
 
但是,上蓋重要的,猶原是歌,無騙你,歌真正仁仁仁有夠好聽,每一個年代,攏有夠符合當時的情境,予人連鞭就會當進入歌的畫面,轉去當初時,轉去家己的記持,甚至,嘛會當飛到未來。


黃妃 首張時空概念專輯《我若是黃倩倩》
啟程 → 第一站《顛倒歌》微電影 + MV










創作者介紹
創作者 5bear 的頭像
5bear

忘了跳舞的熊的文字遊戲

5bear 發表在 痞客邦 留言(0) 人氣()