忘了跳舞的熊的文字遊戲

　
【出一支喙 Tshut Tsi̍t Ki Tshuì】
　作曲：林奕碩　填詞：武雄、林奕碩、邵大倫
　　
　

　娛樂　娛樂　娛樂　娛樂

　⼤輪的節⽬　予你會快樂 
　一陣人仝一國　聽我大輪的節⽬ 
　一粒一　博士博　予咱逐家會滿⾜ 
　你嘛較拜託　tann予我拜託 
　有閒著相招　毋通走相jiok
　朋友三不五時小聯絡　無事仝款著愛慶祝 
　

（各位聽眾朋友逐家好　我是大輪仔
　今仔日欲來出唱片　因為講話唱歌我上佮意
　有人咧講　啊做人毋通出一支喙　 
　但是我欲共逐家講　我這支喙　實在真寶貴 
　一出世我一開喙　我就哭甲醫生護士攏喙開開　
　呵咾講這個囡仔中氣傳這遠 
　後擺一定是靠這支喙咧食飯啦）
　

　上愛唱上愛講　揣我主持閣兼模仿 
　有目標有理想　連我家己嘛足欣賞　欸 
　你嘛較拜託　 　tann予我拜託 
　有閒著相招　 毋通走相jiok 
　朋友三不五時小聯絡　無事仝款著愛慶祝 
　　

　一支　出一支喙　唱甲予你笑微微 
　一支　出一支喙　唱甲予你心綿綿 
　一支　出一支喙　規年迵天攏歡喜 
　一支　出一支喙　愈唱愈古錐 
　

（是的　其中不可思議　朋友你有所不知
　大漢了後我毋但食飯靠這支喙
　食麵食麭食米粉　我連喝燒攏靠這支喙
　出一支喙佇厝內甲序大人好喙
　出一支喙佇學校讀冊唸歌詩
　出一支喙佮阮某談戀愛　糖甘蜜甜
　出一支喙幫阮後生查某囝　歕雞胿
　出一支喙練痟話　練到上電視　練到飼囝兒
　出一支喙佇電台主持　推廣台語
　出一支喙介紹台灣好景緻
　今仔日現此時　我共款是出這支喙欲來唱歌
　帶予逐家歡喜　想欲分享生活的滋味
　想欲向鼓勵支持我的人　表示我的心意啊）
　　
　　
　一支　出一支喙　唱甲予你笑微微 
　一支　出一支喙　唱甲予你⼼綿綿 
　一支　出一支喙　規年迵天攏歡喜 
　一支　出一支喙　愈唱愈古錐 
　
　
　傷過堅持　有時會咬到家己的喙舌 
　現此時　猶閣豉豉 
　為著內心　所愛的代誌 
　無禁無忌食百二
　
　
　一支　出一支喙　唱甲予你笑微微 
　一支　出一支喙　唱甲予你⼼綿綿 
　一支　出一支喙　規年迵天攏歡喜 
　一支　出一支喙　愈唱愈唱愈古錐 
　
　一支　出一支喙　唱甲予你笑微微 
　一支　出一支喙　唱甲予你⼼綿綿 
　一支　出一支喙　規年迵天攏歡喜 
　一支　出一支喙　愈唱愈古錐 
　
　出一支喙　出一支喙
　出一支喙　出一支喙
　出一支喙　出一支喙
　大輪的節目　予你會快樂

　　
　　
　　
　作詞：武雄、林奕碩、邵大倫
　作曲：林奕碩
　製作人Producer：林奕碩 I-Shuo Lin
　編曲Arrangement：百合花樂團(林奕碩I-Shuo Lin、
　　　　　　　　　　林威佐Wei-Zuo Lin、陳奕欣Dee Chen)、
　　　　　　　　　　林宸弘Chen-Hong Lin、林均憲Shan Lin
　合成器Synthesizer：林均憲Shan Lin
　吉他Guitar、月琴Moon Lute：林奕碩I-Shuo Lin
　貝斯Bass：林威佐
　鼓Drum：陳奕欣Dee Chen
　鑼鼓／殼仔絃／大廣絃Percussion/Bowed Strings：
　林宸弘Chen-Hong Lin
　和聲編寫Backing Vocal Arrangement：
　林奕碩I-Shuo Lin、邵大倫Tuā-lián
　和聲Backing Vocal：林奕碩I-Shuo Lin、邵大倫Tuā-lián
　錄音師Recording Engineer：（Vocal）陳建瑋Jacky Chen、
　　　　　　　　　　　　　　（樂器）鄭皓文Howard Tay
　錄音室Recording Studio：
　(Vocal)小宇宙音樂工作室Cosmos Room、(樂器)G5 Studio
　混音師Mixing Engineer：鄭皓文 Howard Tay 
　混音錄音室Mixing Studio：G5 Studio
　發行：這虎音樂（221223）