忘了跳舞的熊的文字遊戲

【風中浮沈的花蕊】作曲：吳永吉　填詞：武雄
　Flowers Floating in the Wind
　
　　
　風吹亂　冷冷的城市　今夜閣是　無聊暗暝
　過去的匪類　太鐵齒　未來的日子　我有準備
　　
　心操煩　冷風夜夜纏　我咧揣你　你走佗去
　錯亂的腳步　著清醒　打拼的未來　才有意義
　　
　咱攏是風中浮沈的花蕊　飄浪的人生走揣著什麼
　花落塗　葉離枝　無論好䆀免恨天
　心會痛　夢無圓　猶原毋願目屎滴
　　
　
　我願意　永遠無懷疑　付出一切　隨風飄去
　欣羨人的命　無道理　堅持咱的名　免懷疑
　
＊咱攏是風中浮沈的花蕊　飄浪的人生走揣著什麼
　花落土　葉離枝　無論好䆀免恨天
　心會痛　夢無圓　猶原不願目屎滴
　　
　咱攏是風中浮沈的花蕊　咱攏是用心等待的種子
　風若停　夢若醒　花謝落塗花重開
　咱的愛　千萬年　就是土地的名字
　
　根若湠　夢若圓　咱是土地的名字