< 詩.響起 >by 王俊傑



【添丁發財】 作詞:武雄 譜曲:王俊傑
 
 
 阮朋友因阿公,今年九十外,細漢的時陣,講是大尾鱸鰻
 彼個時代做兄弟,是不比這嘛,人伊是重情重義,閣重因阿嬤

 聽講日本時代,生活蓋硬斗,頂懸有夠鴨霸,下面擱出一陣走狗
 古意的鄉親,乎人欺負到到,嘛只有放惦心內,偷偷操幹譙

 么壽哦!這是什麼情形?哪會黑甲白你攏分袂清
 腫頜哦!這是什麼情形?哪會生意人你這呢黑心
 哭腰啦!這是什麼情形?哪會抬頭我攏看無光明
 僥倖哦!若擱這呢酷刑,保庇恁半瞑,去堵到廖添丁


 一九四五年阿本仔離開台灣,因阿公放一掛炮仔足足四樓高
 想講擱來日子會卡好討賺,所以卡緊娶因阿嬤入洞房

 隔頂年阮朋友因爸就來出世,號名叫做添丁有兩層意義
 望伊招小弟望伊行俠仗義,因為換人統治日子並無卡舒適

 豪洨啦!這是什麼情形?每個月總賺嘛攏無夠用
 抗議啦!這是什麼情形?人的厝共拆掉你欲安怎還
 鴨霸啦!這是什麼情形?竟然麻杉脫乎別人穿
 無效啦!若擱這呢酷刑,總有一天大家,攏變做廖添丁


 廖添丁奉殺死彼年26歲,是兄弟加創空去做廖爬
 這件代誌乎因爸感慨真多,社會黑暗利益永遠勝過黑白

 阮朋友出世彼年時機足歹,因阿爸講海海人生人生海海
 既然不是講情講義的時代,添丁爸的後生阮朋友,叫做發財

 發財駛著伊的發財仔車,南北二路四界去賺吃
 偏偏這嘛不但錢歹賺,油錢是貴甲鬼仔強欲抓
 發財駛著伊的發財仔車,南北二路四界去賺吃
 偏偏這嘛不但錢歹賺,大細項物件嘛攏不敢吃
 發財駛著伊的發財仔車,南北二路四界去賺吃
 偏偏這嘛不但錢歹賺,連厝嘛攏乎人來黑白拆
 發財駛著伊的發財仔車,南北二路四界去賺吃
 偏偏這嘛不但錢歹賺,納的稅擱乎人拿去黑白撒


 白賊啦!這是什麼問題?哪會逐項物件攏起彼多
 白目啦!這是什麼問題?哪會賺錢無夠囝仔讀冊
 白痴啦!這是什麼問題?哪會有人歸工攏咧練瘋話
 落台啦!若擱惦彼靠北,莫怪四界攏是廖添丁的子弟





 作詞:武雄
 譜曲:王俊傑
 演唱:王俊傑(詩.響起)
 編曲:王俊傑
 製作:武雄+王俊傑
 出版:馬拉音樂(131230)




創作者介紹

忘了跳舞的熊的文字遊戲

5bear 發表在 痞客邦 PIXNET 留言(0) 人氣()